Шарнымаш оҥам вераҥдыме

          «Историй шарнымаш» партпроектым шыҥдарыме кышкарыште шарнымаш оҥам вераҥдыме. Марий Турекыште Этнорӱдерын пырдыжешыже марий кокла гыч лекше икымше академик Василий Мосолов лӱмеш шарнымаш оҥам пижыктыме. Академикын лӱмжым посёлкысо ик урем нумалеш. Этнорӱдер деч тораште огыл ончыкылык академикын шочмо да илыме пӧртшӧ верланен улмаш. Кушкылым ончен куштымо да мланде паша шотышто шанчыеҥ, ял озанлык наука доктор, профессор. ВАСХНИЛ-ын академикше, тудын вице-президентше Василий Мосоловын илыш да паша корныжо калык пагалымашым да шарнымашым  сулен налын. Шарнымашан оҥам партийын еҥже- влакын погымо окса кӱшеш ыштыме.