Марий Эл агропромышленный комплексын продукцийжым тӱнямбалсе 30 элыш колта
Марий Эл агропромышленный комплексын продукцийжым тӱнямбалсе 30 элыш колта. Тений январь гыч октябрь марте ял озанлык сатум экспортыш 28 миллион утла долларлан колтымо. Кодшо ийысе тыгаяк жап дене таҥастарымаште 232 процент лиеш але палемдыме деч 210 процент. Йотэллаш колтымо сату- влак радамыште теве мо уло: ямде кочкыш сату тӱшка экспорт деч 75 процент, АПК-ан моло продукцийже- 22 утла процент, шыл ден шӧр- 2 процент, ӱй-коя сату- 0,3 процент, пырче- 0,1 процент. Продукций 30 йот элыш кая. Нунын коклаште Таможня ушемыш пурышо эл- влак, Италий, Испаний, Нидерланды, Франций, Бельгий, Польшо ден Сербий, Швеций ден Китай, Египет ден Израиль улыт. Марий Элын внешнеэкономический тӱҥ ужалкалыме партнёржо- влаклан Узбекистан, Таджикистан, Белоруссий, Сербий ден Италий шотлалтыт. Нине эллан экспортын 70 процентше логалеш.
