Александр Евстифеев республикысе эл кӧргӧ паша министерствылан 210 видеорегистраторым пуэн
Александр Евстифеев республикысе эл кӧргӧ паша министерствылан кугыжаныш автоинспекцийын сотрудникше- влаклан пашам ышташ 210 видеорегистраторым пуэн. Таче Республикым вуйлатыше эл кӧргӧ паша органын личный составше ден ветеранже- влакым профессионал пайремышт дене саламлен да ойыртемалтше- влаклан наградым кучыктен. «Марий Эл ончылно надырлан» орденын медальжым министр Сергей Волчковлан кучыктымо. ГИБДД виктемын кугурак инспекторжо Дмитрий Максимов Правительствын Чап Грамотыжым налын. Республикым вуйлатышын тауштымашыжым ГИБДД-н кугурак кугыжаныш инспекторжо Николай Татанкин ден ГИБДД-н пӧлкажым вуйлатыше Роман Аноховлан увертарыме. Тыгак пайрем кечын Александр Евстифеев Сергей Волчковлан нумал коштмо 210 персональный видеорегистраторлан сертификатым кучыктен.