Таче Россий Федерацийын эл кӧргӧ паша орган сотрудникын кечыже палемдалтеш

                  Таче Россий Федерацийын эл кӧргӧ паша орган сотрудникын кечыже палемдалтеш. Республикым вуйлатыше Александр Евстифеев республикысе эл кӧргӧ паша органын ветеран дене сотрудникше- влакым профессионал пайремышт дене саламлен. Те шке илышдам кӱлешан пашалан- тӱшка порядкым аралымылан, осал паша дене кучедалмылан, калыкын праважым аралымылан пӧлекленда. Тендан службыда кече еда пеҥгыдылыкым, чытымашым да вий-куатым йодеш,- палемден Марий Элым вуйлатыше. Александр Евстифеев тидымат ешарен: эл кӧргӧ паша пӧлкан сотрудникше-влак чыланат шке пашаштым чаткан шуктат да чыла уверым жапыштыже тергат. Тидын годымак нуно пандемий жапыште калыкын аралалтме мерым шуктымыжым тергат. Ковид дене кучедалмаште полшымыланда тау, республикысе калык верч шке службыдам кӱлеш семын наҥгаеда, - каласен республикым вуйлатыше да посна тауштымашым ветеран- влаклан ойлен.