Ик кечын «кочо вӱдым» огыт ужале
Вес арнян вӱргечын, 17-ше ноябрьыште, студентын тӱнямбал кечыже палемдалтеш. Промышленность, экономически вияҥмаш да торговля министерстве ушештара: республикын законжо дене келшышын, тиде кечын ноль гыч 24 шагат йӱд марте алкоголь продукцийым ужалаш огыт тӱҥал. Лач общественный питаний полышым пуымо верлаште гына ужалат. Законым пудыртышо- влаклан административный штрафым тӱлыктат. Должностной еҥ- влак 20 гыч 40 тӱжем теҥге марте тӱлат, алкоголян да спиртан йӱышыштым поген налыт, юридический лица- влаклан шӱдӧ гыч 300 тӱжем теҥге марте штрафым тӱлыктен, продукцийышт деч посна коден кертыт.