Марий Элым вуйлатыше шке указышкыже черетан вашталтыш- влакым ешарен
Республикыштына куар кодым унагудо ден промышленный сату кевыт- влаклан пуртымо. Таче Марий Элым вуйлатыше Александр Евстифеев Шке указышкыже черетан вашталтыш- влакым ешарен. Документын у редакцийже дене келшышын, коронавируслан шарлаш чаракым ыштыме шотышто у чарымаш- влак пурталтыт. Коронавирус деч прививкым ыштыме але черланен лекмен нерген куар кодым ынде унагудыш, санаторно-курорт организацийыш, монча ден сауныш, кочкышым ужалыме деч посна моло кевытлашке пурымо годым ончыктыман. У Указ дене келшышын 23-шо ноябрь гыч куар код деч посна еҥ- влак кочкыш огыл сатум ужалыме кевытлашке, кумдыкшым шотыш налде ужалкалыме, ужалкалыме да каныме рӱдерлашке пурен огыт керт. Тиде кече гычак санаторно-курорт организаций, унагудо, сауна да мончаш куар код, ПЦР тест, медицина отвод деч посна огыт пурто.
