Республикыштына вакцинаций планым 64 процентат пелылан темыме

                    Республикыштына вакцинаций планым 64 процентат пелылан темыме. 11 –ше ноябрьлан шотлымаште коронавирус ваштареш 272 тӱжемат 332 еҥ прививкым ыштыктен. Тушечын 237 тӱжемат 874 еҥже тичмаш курсым эртен. Тыге вакцинаций планым 64 процентат пелылан темыме. Нунын кокла гыч 76 тӱжем утлаже але 28 процентше 60 да кугурак ийготан улыт. 11-ше ноябрь гыч вакцинаций ден ревакцинаций ончылгоч возалтме почеш ышталтеш. Возалташ «Доктор12.рф» порталыште лиеш. Сеҥымашын 30-шо идалыкше лӱмеш тӱвыра полатыште прививкым тыглай черет почеш ыштат. Эпидемий тӱналме годсек лабораторий пашаеҥ- влак 675 тӱжем наре тестым эртареныт. Кызыт кок тӱжемат 767 еҥ медицина эскерымаште улеш. Нуно черле- влак дене кылым кученыт. Ик суткаште 825 еҥым учётыш налме, 833 еҥым учёт гыч корандыме, -  увертара Роспотребнадзор виктем.