«Вашкеполыш станций» 17 у автомобильым налын

             «Вашкеполыш станций» УАЗ маркан В классан 17 у автомобильым налын. Санитар транспортым федерал окса кӱшеш централизованно ситарыме кышкарыште Президентын посланийже дене келшышын налме. Россий Правительствын резерв фондшо гыч Российын Минпромторгшылан техникым налаш оксам ойырымо. Налме вашкеполыш машина- влак лу верыш шеледыме лийыт: Параньга, Шернур, Марий Турек,  Медведево, Морко, Килемар да Звенигово районлаш кок машина гыч мият, Советский, Куженер да У Торъял районлан ик машина гыч логалеш. Технике шушаш ийын вич ий утла кучылтмо да 200 тӱжем меҥгым эртыше, шолдыргышо автомобиль- влакым вашталташ палемдалтыныт. Кызыт Станцийын балансыштыже 93 автомобиль уло, 71-тыже В классан, 22-шо- С классан. Нунын кокла гыч иктыже вич ий утла кучылталтеш, кум ий утла- 25, кум ий марте 67. Экстренно полышым пуышо  В классан машина- влак черлым наҥгаяш да фельдшер бригадылан эмлыме мероприятийым шукташ келыштаралтыныт. С классан автомобиль- влак пациентлан специализированный але реанимаций бригаде дене профессионал полышым пуаш ышталтын. Опытан врач – влак черлым наҥгайыме годым тудын тазалыкшым эскерат. Происшествий верыштак полышым пуэн кертыт. Тыгай транспортым кызытсе жаплан келшен толшо оборудований дене пойдарыме.