Пӧтъял черке нерген марла фильм

                Шнуй-Гурьев храмын историйже нерген марий йылме дене фильмым луктыныт. Марий митрополийын кусарыше комиссийже «Марий кундемын Дивеевыже»  фильмым ямдылен. Сюжетыште Волжский районысо Пӧтъял храмын историйже, черкын шнуй ӱзгарже- Юмынаван Юмоҥаже, Юмын ыресше, Шнуй Юмынаван да Серафим Саровскийын памашышт нерген ойлалтеш. Автор- влак протоиерей Николай Чузаев да иерей Сергий Петров дене интервьюм, юмылташ коштшо илалше еҥ- влак дене вашмутланымашым пуртеныт. Проектын режиссёржо семын мемнан марий радиошто «Чаҥ» передачым ямдылыше Алевтина Таныгина, оператор ден монтажёржо Михаил Иванов ыштеныт, Текстым Шкетан театрын артистше Иван Соловьёв лудын.
                 Фото: МариМедиа.