Таче туризм арня тӱҥалын

             Таче кече гыч Марий Элыште туризм арня тӱҥалеш да 19-ше ноябрь марте шуйна. Спорт-туризм министерствыште увертарыме почеш, мероприятий идалык еда шке площадкылаштыже вӱдышӧ спикер, эксперт да турбизнесын практикше, муниципал образований- влакын туризм дене специалистыштым да турист-увер рӱдерлан еҥыштым уша. Чыла мероприятийжат онлайн-формат дене эрта. Тиде- лекций, онлайн-конкурс, презентаций да туныктышо семинар- влак. Мутлан, Марий Элысе туризм нерген эн сай ойым шонен лукташ конкурсым увертарыме. Таче нунын кокла гыч лу эн оҥайже дене палымым ыштат. Кугарня марте нунын верч йӱклымаш эрта. Сеҥышылан брендан сувенир сатум кучыктат.