Йошкар-Оласе йочам эмлыме верыште капитально олмыктымо паша тӱҥалеш

         Йошкар-Оласе йочам эмлыме верыште капитально олмыктымо паша тӱҥалеш. Мут эмлыме верын шочшо азан да жап шуде шочшо аза- влакын черыштым эмлыме пӧлка нерген кая. Пытартыш гана тудым 2009-ше ийыште олмыктымо. Тунам кӱварым ачалыме да окнам вашталтыме. Ынде кугурак пашам ыштыман. Нылле койкылан келыштарыме пӧлка кок пачашыште верланен. Икымшыште перинатал рӱдер гыч стационарыш кондымо шочшо аза- влак, весыштыже- азам ыштыме пӧрт гыч мӧҥгыш наҥгайымеке тазалыкышт начаремше аза- влак. Полышым кум врач да кыдалаш звенон 40 специалистше пуат. Южо аза тыште кужун кучалтеш. Поснак изи нелытан аза- влак. Нуно икмыняр тылзат тыште лийын кертыт. Поснак нелын черланыше- влакым Озаҥыш, Пензыш, Москош колтат. Ава- влакымат азам ончаш туныктат. Йочам эмлыме верыште капитально олмыктымаш «Йочан тазалыкшым аралымашым вияҥдыме программе» регонысо проект кышкарыште шукталтеш. Тений тиде программым республикыште  шыҥдараш 61 миллион утла теҥгем колташ палемдыме. Ноябрь тӱҥалтышлан 84 процент шийвундыжым кучылтмо.
           Йошкар-Оласе йоча эмлыме верын фотожо.