Марий Элым вуйлатыше «Солнышко» йоча интернат-пӧртлан куд миллион теҥгем ойырен

                Марий Элым вуйлатыше Александр Евстифеев «Солнышко» йоча интернат-пӧртлан социал полышын качествыжым нӧлталаш, санитар, пожар лӱдыкшыдымылыкшым кугемдаш куд миллион теҥгем ойырен. Документ дене келшышын ойырымо шийвундо окна- влакым вашталташ, медицина блокым да электроснабжений системым олмыкташ, кухньылык, вургымым мушмо, коррекций да шуарыме, медицина оборудованийым налаш кучылталтшаш. Ушештарена: Александр Евстифеев тиде йоча интернат-пӧртыш ик гана веле огыл миен. Тений июльышто тушто кочмо зал ден производство цехлаште олмыктымо паша мучашлалтын, спортзалым уэмдыме. Оксам республикын бюджетше гыч ойырымо. Кодшо ийын оборудованийым налаш ныл миллион теҥгем пуымо ыле. Кеҥежым интернат-пӧртым ончышыла, Александр Евстифеев тӧнежын пожар системыжым вашталташ кӱштен ыле.
                  Фотом социал вот гыч налме.