У автовокзал- ямде

               Таче эрденак Йошкар-Олаште у автовокзаллан Республикым вуйлатыше Александр Евстифеев приёмкым шке эртарен. Тудо ынде рӱдӧ ола ден моло ола да кундем- влакым ушен шогаш тӱҥалеш. У автовокзал гыч регион да ола- влак кокласе рейс- влак кошташ тӱҥалыт. Тудлан лӱмын у маршрут сеть ямдылалтеш,- каласен транспорт министр Александр Герасименко. Чыла чоҥымо паша мучашлалтын. Ынде у автовокзал Транспорт министерсвын кидышкыже кусна. Тудо транспорт лӱдыкшыдымлыкым ышташ тӱҥалеш. Икымше рейс- влак 2022-шо ий январь гыч корныш лекшаш улыт. Александр Евстифеев палемден: подрядчиклан кугу таум каласена. Чыла пашам жапыштыже да сай качестве дене ыштыме. Кызыт мебельым ситарышым ойырен налмаш кая. Автовокзал кызытсе жапысе чыла йодмашлан, пассажирын йодмашыжлан келшен толеш. Перевозчик- влак деке автобусыштым уэмдышт манын йодмаш дене лекташ кӱлеш. Тунам республикысе калыкынат, уна- влакынат автобус дене кошташ кумлылышт лектеш,- ешарен республикым вуйлатыше.