Калыкле проект- влакым да республикым вияҥдыме индивидуал программым шыҥдарымашын ончылгоч ыштыме лектышыштым иктешлыме

                 Марий Элым вуйлатышын правительствын еҥже- влак дене эртарыме совещанийыште калыкле проект- влакым да республикым вияҥдыме индивидуал программым шыҥдарымашын ончылгоч ыштыме лектышыштым иктешлыме.  Проект да программым шуктымо нерген промышленность, экономически вияҥмаш да торговля министр Станислав Крылов ойлен. Калыкле проект- влаклан 12-шо ноябрьлан шотлымаште 9 миллиард теҥге утла оксам ойырымо. Тидыже тенийсе лимит деч 75 процент лиеш. Регионысо 8 проект дене федерал оксам тичмаш кучылтмо. Идалык мучаш марте проект- влак почеш оксам тичмаш кучылтмо лиеш. Индивидуал программе дене 747 миллион теҥгем ойырымо. Тидыже тенийсе лимитын 74 процентше. Промышленность министр ӱшандарен: индивидуал программе почеш тенийсе лимит  идалык мучаш марте тичмаш кучылтмо лиеш. Оксам жапыштыже кучылтмым умбакыже терген шогат.