«Ший памаш» фестиваль вуча

                  Марий Элыште финн-угор калык- влакын эстрада мурыштым мурышо-влакын фестиваль-конкурсышт лиеш. 25-ше гыч 27-ше ноябрь марте регион- влак кӱкшытан «Ший памаш» шымше фестиваль-конкурс эрта. Тушко Башкортостан, Удмуртий да Марий Эл гыч 70 наре участник толшаш. 25-ше ноябрьыште Медведево посёлкысо тӱвыра да каныш рӱдерыште мурызо- влак 70-шо 90-шо ийласе палыме муро- влакым йоҥгалтарат. Икымше колыштмаш 18 шагатлан тӱналеш. Вес кечынже 26-шо числаште Йошкар-Оласе Ленин лӱмеш тӱвыра полатыште  тиде жапыштак калык муро да у муро дене палыме лияш лиеш. Кумшо кечынже 27-ше ноябрьыште сеҥыше- влакын кугу гала-концертышт дене фестиваль конкурс мучашлалтеш. Тудо 15 шагатлан тӱҥалеш. Ончаш шичме вер шуко огыл. Билетым Пушкин карте денат налаш лиеш. Пурымо годым куар кодым, справкым ончыктыман.