Марий Элысе МЧС виктемын личный составшым у вуйлатыше дене палымым ыштеныт

                 Марий Элысе МЧС виктемын личный составшым таче у вуйлатыше дене палымым ыштеныт. Россий МЧС министрын алмаштышыже Николай Гречушкин паша визит дене Марий Элыш толын. Тудо икымше ноябрьыште Марий Элысе МЧС тӱҥ виктемын начальникше должностьыш пеҥгыдемдыме эл кӧргӧ паша службын полковникше Виктор Шангин дене палымым ышташ лӱмын толын. Мероприятийыште Угарман областьысе МЧС тӱҥ виктемым вуйлатыше генерал-лейтенант Валерий Синьков участвоватлен. Министрын алмаштышыже структура подразделений вуйлатыше- влак дене пашаче совещанийым эртарен. Тушто регионысо ведомствын пашаже дене кылдалтше йодыш- влакым ончымо. Вара торжественный шӱлышыштӧ Республикысе МЧС-ын у вуйлатышыже Виктор Шангин дене палымым ыштыме, ойыртемалтше пашаеҥ- влаклан Россий МЧС-ын Почётан грамотыжым кучыктымо.
                МЧС виктем пресс-службын фотожо.