Эпидемий ваштареш виктаралтше мера- влакым калыкын терген шогымыжо ласка илыш деке вашкерак пӧртылаш полша

                Эпидемий ваштареш виктаралтше мера- влакым калыкын терген шогымыжо ласка илыш деке вашкерак пӧртылаш полша. Республикыштына «АнтиКовид-19» автоматизированный комплексым ыштыме. Тудо сутка мучко чарыме мера- влакым пудыртымо нерген калык деч пурышо увер- влакым погаш да лончылаш тӱҥалеш. Кӧ шкенжын да лишыл еҥже- влакын тазалыкышт верч тургыжлана, чарыме мера- влакым шуктыдымо нерген Телеграм мессенджерыш чат-ботыш але ВКонтакте социал вотыш возен колтен кертеш. Система тыманмеш уверым лончыла да чарыме мерым терген шогышо верласе органлашке колта. Чат-бот гоч тыгак шоя сертификатым ужалыме нергенат увертараш лиеш. Тыге, кугыжаныш кучем да тыглай калыкын тыршымашыштым иквереш ушен гына осал черым сеҥаш лиеш.