Велосипедым шолыштшо еҥым колымешке кырыше пӧръеҥым куд ийлан исправительный колонийыш колтат
Велосипедым шолыштшо еҥым колымешке кырыше пӧръеҥым куд ийлан исправительный колонийыш колтат. Медведево районысо суд тазалыклан кугу эҥгекым кондымо да еҥым колымашке шуктымо шотышто уголовный пашам ончен лектын. Тиде осал пашам Оршанке посёлкышто илыше 36 ияш пӧръеҥ ыштен. 2017-ше ийыште кеҥежым кудывече гыч «Урал» маркан йолорвам наҥгаеныт. Тудын озаже шолыштшо еҥым поктен шуын да кырен. 56 ияш пӧръеҥ эмлыме верыште ӱмыр лугыч лийын. Суд титаклыме еҥым 6 ийлан эрык деч посна кодаш да пеҥгыде режиман исправительный колонийыш колташ пунгчалын.