Пётр Васильевын фотовыставкыже почылтын
Йошкар-Олаште Пётр Васильевын «Марий Элын тӱрлӧ тӱсан пӱртӱсшӧ» фотовыставкыже почылтын. Пётр Васильев республикыште ик эн палыме фотосӱретче. Тудын пашажым тӱрлӧ вере кучылтыт. Оласе калык уло кумылын фотосӱретлаштыже палыме вре- влакым, пӱртӱсым, кайык ден янлыкым эскера. Ончер кодшо арнянак Евсеев лӱмеш калыкле тоштерыште почылтын да 11-ше январь марте пашам ышта. Выставке фотограф Пётр Васильевын усталык пашажлан 55 ий теммылан пӧлеклалтын. Пётр Николаевич 1947-ше ий 19-ше ноябрьыште Волжский районысо Ярамарийыште шочын. Тудо ятыр фотовыставке ден конкурслан участникше дене лауреатше лийын.