Марий Элым вуйлатыше Российысе Ространснадзорым вуйлатыше дене вашлийын
Марий Элым вуйлатыше Российысе Ространснадзорым вуйлатыше дене пассажирым шупшыктымо лӱдыкшыдымылыкым да качествым нӧлталме йодышым каҥашен. Александр Евстифеев «Транспорт арня» 15-ше Тӱнямбал форумышто участвоватлен. Тиде чыла тӱҥ транспортым вияҥдыме йодышым ончымо кугу мероприятий. Форумым почмо деч ончыч Марий Элым вуйлатыше транспорт аланыште федерал надзор службым вуйлатыше Виктор Басаргин дене вашлийын. Нуно Йошкар-Олаште у автовокзалым пашаш колтымо нерген мутланеныт. Генподрядчик автокзалым сдатлен, январь гыч пашам ышташ тӱналшаш. Кызыт специалист- влак тудым кадастр учётыш шогалтат. Марий Элым вуйлатыше тыгак аэропортым уэмдыме паша умбакыже шуйна манын, корно пашам тений жап деч ончыч мучашлыме. Корно дене кылдалтше проектым шындарыме дене республике Российысе регион- влак коклаште 6-шо верыште улеш.