Кум у йоча сад почылтшаш

                   Марий Элыште идалык мучаш марте кум у йоча сад почылтшаш. Туныктыш министерстве «Демографий» калыкле проектым республикыште кузе шыҥдарыме нерген каласкален. 2019-ше ий годсек 9 у йоча сад омсажым почын. Тушто кок тӱжемат 175 вер ешаралтын. Тӧнеж- влакым у оборудований, мебель дене пойдарыме, сем, физкультура зал- влак, психологын, логопедын, педагогик кабинет- влак улыт. Воктелсе кумыдкышто модмо, спорт площадке, кушкыл- влак вераҥдалтыныт. У тӧнежым почмо дене паша вер- влакат ешаралтыныт, самырык педагог- влакат ушненыт. Тыге 349 пашавер лектын. Тушечын 154-ше педагогический. Идалык мучаш марте Йошкар-Оласе Мирный микрорайонышто, Медведево районысо Руэм посёлко ден Нурма селаште йоча тӧнеж- влак почылтшаш улыт. Тыге эше 104 паша вер лектеш. Тушеч 46-шо педагогический.