«Мирный» микрорайонышто йоча садым чоҥымаш мучашыш лишемеш

             Йошкар-Оласе «Мирный» микрорайонышто йоча садым чоҥымаш мучашыш лишемеш. Тымарте отделке пашам ыштыме, мебельым шындылыт, атышӧрым, пушкыдо ӱзгарым, модышым да дидактике материалым налыт. Садыште кӱлеш оборудованийым, оролышо средствым вераҥдыме. Йоча тӧнежлан лӱмымат шонен муыныт. Тудо «Колибри» лӱм дене декабрь гыч пашам ышташ тӱҥалеш. Тышке 320 икшыве кошташ ямдылалтеш, кызыт спискым рашемдат. Тыге «Колибри» Йошкар-Олаште пытартыш кум ийыште чоҥымо кудымшо тӧнеж лиеш.
              Фотом Йошкар-Ола администрацийын сайтше гыч налме.