Оршанке мастар- влак пашаштым ончыктат

                  Кодшо кечылаште рӱдӧ оласе Калык кидмастар тоштерыште Оршанке районысо Тошто Крешын ремесло пӧртын пашаже- влакым ончыктышо «Йӱла- влакын илыше шӱртышт» выставке почылтын. Марий калыкын курымла дене куснен толшо тӱвыраштыже тӱрлымаш да пушеҥге гыч сӧрал ӱзагрым ыштымаш посна верым налын шога. Тудым арален кодаш да уэш вияҥдаш манын 2018-ше ийын Тошто Крешыныште кид-паша мастарлык Пӧрт почылтын ыле. Пӧртын ик паша корныжлан сувенир сатум ямдылымаш шотлалтеш. Ончерышке пушеҥге гыч пӱчкеден да шуын ыштыме, тӱрлымӧ да куымо паша- влакым лукмо. Тӱҥ шотышто мастар- влак Куликовын, Гаврилован, Демьянован да Помыткинын пашаштым ончыктымо. Нуным 26-шо февраль марте ончаш лиеш.