Марий Элым вуйлатыше Россий Правительстве ден Госсоветын пырля эртарыме семинар- совещанийыштышт участвоватлен

               Марий Элым вуйлатыше Россий Правительстве ден Госсоветын пырля эртарыме семинар- совещанийыштышт участвоватлен. Мутланымаш «Чоҥымо паша, илыме вер да коммунал озанлык, оласе кумдык» теме дене эртен. Повесткын тӱҥ йодышыжо- 2030-шо ий марте Российын чоҥымо отрасльжым да илыме вер ден коммунал озанлыкшым вияҥдыме стратегийым ончымаш лийын. Марий Элыште стратегийын эн ончыл пашаже- влакым республикын икмыняр кугыжаныш программыштыже ончыктымо. Нунын коклаште «2013-шо -2025-ше ийлаште калыклан сай илыме верым да ЖКХ полышым ситарымаш», «2019-ше- 2030» ий- влаклан транспорт комплексым вияҥдымаш» улыт. Марий Элым вуйлатыше Александр Евстифеев «Регионысо да муниципал опорный сеть. Кузе олам мобильныйым ышташ. Опорный сетьын критерийже да йодмашыже- влак, тӱшка транспорт, ИТС, парковко кумдык» теме дене йыргешке ӱстел йыр мутланымаште участвоватлен. Ушештарена: опорный сеть- тиде посна йодмашлан келшен толшо автомобиль корно- влакын спискышт. Марий Элыште тиде спискыш 253 меҥге кужытан 6 автомобиль корно да 369 меҥге кужытан федерал кӱкшытан кум корно пурен. Республикыште регион да муниципал кӱкшытан тӱшкан пайдаланыме корнын кужытшо кок тӱжемат 872 меҥгыш погына. 2021-ше гыч 2024-ше ий марте тӱжемат 115 меҥге кужыт корным норматив марте шуктыман. Тушечын 145 меҥгыже Опорный сетьыш пура, 970 меҥгыже сетьыш пурыдымо. Палемдыме пашам кӱлеш семын шуктымо лиеш гын, регион да муниципал кӱкшытан тӱшкан пайдаланыме автомобиль корнын 45 процентше 2024-ше ийлан норматив марте шукталтшаш.