Марий самырык театр 30 ияш лӱмгечыжым палемда
Марий самырык театр 30 ияш лӱмгечыжым палемда. Республикым вуйлатыше Александр Евстифеев театрын художественный вуйлатышыже Олег Иркабаев да пашаеҥже, ончышо- влак лӱмеш лӱмгече пайрем дене саламлымашым колтен. 30 ий ончыч Йошкар-Олаште самырык ончышо- влаклан у театр шочын. Тиде жапыште тудо шке унаже- влаклан ятыр оҥай спектакльым ончыктен. Те ончычсо тукымын шӱм-чон поянлыкшым арален толмо дене пырля, калыкым у усталык паша- влак дене куандареда. Театрын репертуарыштыже кызыт 60 утла постановко шотлалтеш. Нуно российысе да йот элласе классике да кызытсе жапысе драматургий негызеш ямдылыме улыт. Шукыжым калык поснак ойыртемалтын аклен. Тыге нуно Россий да тӱнямбал фестиваль ден конкурслаште кӱкшӧ акым налыныт. Кызыт сымыктыш храмыште шке профессийыштлан ӱшанле улшо еҥ- влак тыршат. Самырык тукымын шинчымашыжым келгемдыме пашаланда тау. Самырык тукымым шуарымашке кугу надырым пыштеда,- ойлалтеш республикым вуйлатышын саламлымашыштыже.