Йоча сад- влакым чоҥаш да районласе школлан оборудованийым налаш 22 миллион утла теҥге оксам ойырымо.

              Марий Элым вуйлатыше йоча сад- влакым чоҥаш да районласе школлан оборудованийым налаш 22 миллион утла теҥге оксам ойырен. Марий Элым вуйлатыше Александр Евстифеевын кӱштымыж почеш 22 миллионат 900 тӱжем теҥгем йоча садлаште ешартыш верым ышташ да районласе школ- влакын материально- технический базыштым пеҥгыдемдаш колтымо. Мутлан, Медведево районлан иктат пеле гыч кум ияш марте ньога- влаклан ешартыш верым ышташ 17 миллион утла теҥгем пуымо. Кызыт Руэм посёлкышто 100 веран йоча сад чоҥалтеш, Нурма селаште 55 верлан садикым чоҥат. Тыгак вич миллионат 300 тӱжем теҥгем школлан колтымо. Марий Турек район кум миллионат 200 тӱжем теҥгем, У Торъял район ик миллионат 900 тӱжем теҥгем налын. Тиде окса Карлыганысе Андреев лӱмеш школлан да У Торъялысе кыдалаш школлан оборудованийым налаш палемдалтын.
              Фото: МедиаПоток.