Марий Элын Правительствыже «Паллада» парус клубын лӱмгечыжлан шарнымашан пӧлекым ямдылен
Марий Элын Правительствыже «Паллада» парус клубын лӱмгечыжлан шарнымашан пӧлекым ямдылен. Таче Самырык- влакын полатыштышт клубым ыштымылан 10 ий темме лӱмеш торжественный мероприятий лийын. Тушто лӱмгече оза- влаклан Правительствын сай пӧлекшым Ял-6 суднылан парусым, вуйлатыше да эн сай воспитанник- влалкан спорт-туризм министерствын тауштымашан серышыжым кучыктымо. «Паллада» клубышто 8 гыч 16 ияш марте 100 самырык моряк шуаралтеш. Нуно теҥыз пашам шымлат, сарыште лийше моряк-влак нерген уверым погат, Россий кӱкшытан теҥыз сборлашке ушнат, «Шнуй Косма» суднышт дене да кугу тунемме парусан «Паллада» фрегатыште ийме практикым эртат. 2020-шо ийыште «Паллада» парус клуб республикысе эн сай военно-патриот клуб семын палемдалтын. Тений самырык моряк- влак Великий Новгородышто Россий кӱкшытан слётышто икымше верым сеҥен налыныт.