Декабрь гыч рӱдӧ олаштына прививкым ыштыктыдыме пашаеҥыштлан кӧра предприятий- вуйлатыше- влаклан штрафым тӱлыкташ тӱҥалыт

                  Декабрь гыч рӱдӧ олаштына прививкым ыштыктыдыме пашаеҥыштлан кӧра предприятий- вуйлатыше- влаклан штрафым тӱлыкташ тӱҥалыт. Йошкар-Ола администрацийыште оласе коммерций организаций да предприятий- вуйлатыше- влак дене ковид ваштареш виктаралтше йодмаш- влакым умылтарыме шот дене вашлиймаш- влак эртат. Теҥгече бизнесын еҥже- влак дене мэрын икымше алмаштышыже Антон Трудинов ден тӱҥ кугыжаныш санитар врачын алмаштышыже Татьяна Юмашева вашлийыныт. Кугыжаныш тӱҥ санитар врачын пунчалже дене икмыняр сферыште тыршыше- влаклан обязательный вакцинацийым пуртымо. Тиде- туныктышо, врач, полыш сферыште да социал аралымаште тыршыше, кугыжаныш служащий да моло пашаеҥ- влаклан. 11-ше ноябрь гыч тиде спискыш продукцийым лукшо предприятий да промышленный предприятийын пашаеҥыштымат пуртымо. Документ дене келшышын организаций вуйлатыше да амалкалче- влак икымше ноябрь марте икымше компонент дене прививкым шындыкташ йӧным ыштышаш улыт ыле, а икымше декабрь марте кокымшо компонент дене. Палемдыме жапыште вакцинацийым эртыдыме еҥ- влак оксам тӱлыде паша деч кораҥдалтшаш улыт. Роспотребнадзор виктемын пунчалжым пудыртышо вуйлатыше- влакым административно мут кучаш шогалтен кертыт. Нунылан 500 тӱжем теҥге марте штрафым тӱлыктен але предприятийыштым 90 сутка марте петырен кертыт. Кокымшо декабрь гыч тергымаш- влак тӱҥалыт,- увертарыме мэрийыште.
                  Фото :МариМедиа.