Тӱжем утла озадыме пий ден пырысым кученыт
Республикыштына тӱжем утла озадыме пий ден пырысым кученыт. 16-шо ноябрьлан шотлымаште Марий Элысе кучышо служба шала коштшо тӱжемат 13 вольыкым муын кучен налын. Нунын коклаште 822 пий ден 191 пырыс улыт. Изи гына Марий Эллан тиде пеш кугу цифре. Адакшым йӱштӧ толын шуын манаш лиеш. Кучымо вольыкын икмыняр ужашыже приют ден зооволонтёр дене жаплан илыме верым муэш гын, чылаштлан пӧртым муаш йӧсӧ лиеш. Ветеринарий комитетын пашаеҥже- влак пий ден пырысын озаштлан шке жапыштыже вольыкыштым вускемдаш темлат да шкевуя уремыш луктын колташ огыт кӱштӧ.