18-ше гана калыкле республике- влакын руш театрыштын «Келшымаш кӱвар» фестивальышт лиеш

            Йошкар-Олаште 18-ше гана калыкле республике- влакын руш театрыштын «Келшымаш кӱвар» фестивальышт лиеш. 20-шо гыч 30-шо ноябрь марте Георгий Константинов лӱмеш Руш академический драма театрын сценыштыже Моско, Татарстан, Чуваший, Адыгей, Чечня, Карелий, Дагестан да Башкортостан гыч эн уста коллектив- влак мастарлыкыштым ончыктат. 1993-шо ийыште Константиновын чумырымо фестиваль вияҥеш да кажне ийын географийжым кумдаҥден толеш. Программыже пеш поян. Тушто комедийымат, драма ден таргикомедийым, детективымат ончаш лиеш, ятырже премьере улыт. Республикысе Руш театрат лач премьере дене тиде фестивальым мучашла. Тиде «Леди Макбет Мценского уезда» постановко лиеш.
              Республикым вуйлатыше Александр Евстифеев элысе калыкле республике да йот эллан руш театрыштын «Келшымаш кӱвар» 18-ше Тӱнямбал фестивальыштын участникше ден унаже- влакым фестивальым почмо дене саламла. «Келшымаш кӱвар» - тиде кугу усталык площадке. Тушто театр пашаеҥ- влак шонымашышт дене ваш палдарен, кумылаҥын, а ончышо- влак у коллектив да постановко- влак дене палыме лийын, тӱрлӧ кундемысе тӱвырам ончен кертыт. Унам вашлияш йӧратыше Марий мландыште вашлиймаш Российысе кундем-влак коклаште тӱвыра вашкылым вияҥдаш, марий кундемын тӱвыраже палдараш полша.- ойлалтеш республикым вуйлатышын саламлымашыштыже.
              Руш тетарын фотожо.