Книгагудылашке кандаш тӱжем утла у книгам кондат
Кундемысе книгагудылашке кандаш тӱжем утла у книгам кондышаш улыт. Фондлашке 8 тӱжем экземпляр кызытсе да калыкле сылнымут, научно-популярный да энциклопедий шотан савыктыш толшаш. Тений тиде пашалан Россий правительствын резерв фондшо да республикын бюджетше гыч кум миллионат 600 тӱжем теҥгем ойырымо. Тиддеч посна «Цифран экономике» калыкле программе кышкарыште республикысе 47 книгагудо интернет деке ушалтеш,- увертара тӱвыра министерстве.