Марий Эл гыч школ- интернат «Доброшкола-2021» Россий кӱкшытан конкурсын лауреатше лийын

              Марий Эл гыч школ- интернат «Доброшкола-2021» Россий кӱкшытан конкурсын лауреатше лийын. Российын просвещений министерствыже тиде кумшо конкурсын лектышыжым иктешлен. Таҥасымаш посна тунемме тӧнеж- влак коклаште эртаралтын. Тушко «Туныктыш» калыкле проектын «Кызытсе школ» федерал проектышкыже пурышо школ- влак ушненыт. Тиде проектше материально-технический базым пеҥгыдемдыме гоч начар тазалыкан йоча- влакым туныкташ полышым пуымашке виктаралтын. Лауреат кокла гыч иктыже Марий Турек районысо Нартас школ- интернат лийын. Конкурсышто чылаже 81 кундем гыч 130 школ таҥасен. Жюри начар тазалыкан- влаклан тунемме верын дизайнжым ыштыме, инфраструктурым уэмдыме, кызытсе кумдыкым ыштыме эн сай опыт-влакым аклен. Конкурсын эксперт советышкыже коррекционный педагогикын, дизайнын, гигиенистикын специалистше- влак пуреныт.
             Фото: МариМедиа.