«Пушкин карте» федерал проектыш 14 тоштер ушнен
Республикыштына «Пушкин карте» федерал проектыш 14 тоштер ушнен. Нуно программыш пурашлан чыла техник йодмашым тӱрыс шуктеныт. Нине тӧнежын филиалышт улмым шотыш налаш гын, самырык- влак 30 тоштер кумдыкыш миен кертыт. Проектыш ушнышо тӧнеж- влакын чотышт республикыштына 39-ыш шуын. Республикысе тӱвыра министерстве пелен пашам ыштыше эксперт совет федерал проектыш ушнашлан кугыжаныш тӱвыра тӧнеж- влакын 338 мероприятийыштым сайлан шотлен. Пушкин карте самырык- влаклан тӱвыра мероприятийлаш кошташ лӱмын ыштыме банк карте. Оксам кугыжаныш ойыра. Картыште улшо оксам тений 20-шо декабрь марте кучылт пытарыман, уке гын кодшо оксаже йомеш.