Казанский селаште энергетик- влак спорт площадкым волгыдым ыштеныт

               Шернур районысо Казанский селаште энергетик- влак спорт площадкым волгыдым ыштеныт.  375 квадрат метр кумдыкан, резине шартышан у спорт площадкым тӱвыра пӧрт пелен ыштыме. Тиде пашам ял илем администарцийын «Ялысе кундемлам комплексно вияҥдымаш» федерал программыш ушнымыжлан кӧра ыштен кертме. Площадкыште гандбол дене модмо вер, щит да оҥган баскетбол стойко шочын. Тушто кугыеҥат, йоча- влакат модын кертыт. Шернур районысо электросетьын специалистше- влак площадке йыр тулым пуртеныт. Ынде пычкемшалтмекат тушто модаш лиеш, - каласен «Россети Центр и Приволжье» ПАО-н «Мариэнерго» филиалжын директоржо Сергей Хлусов.
                Фото:"ВНД".