Таче- Марий университетын шочмо кечыже
Марий Кугыжаныш университет таче 49-ше шочмо кечыжым палемда. Республикысе икымше университетын историйже пел курым наре ончыч тӱҥалын. Тиде жапыште тудо палынак кушкын, Юл кундем округышто да Российыштат палыме шанче да туныктымо рӱдерыш савырнен. Кызыт тушто 13 факультет ден институт пашам ышта, 9 тӱжем студент шинчымашым налеш, 100 утла корно да специальность дене туныктат. Тудым почмо годым ныл факультет улмаш да 10 специальность дене веле туныктеныт.