Инфекций койко фондым шагалемдаш тӱҥалыныт
Республикыштына инфекций койко фондым шагалемдаш тӱҥалыныт, молан манаш гын, коронавирус инфекций дене черланымаш икгайрак кӱкшытыштӧ кучалтеш. Тазалыкаралтыш министрын алмаштышыже Татьяна Бастракован мутшо почеш эмлыме верыш пыштымаш шагалемме дене койкымат тӱжемат 965 гыч тӱжемат 425 марте шагалемдыме. Йошкар-Оласе эмлыме верыште хирургий, нейрохирургий полышым да инсульт деч вара реабилитаций полышым уэш пуаш тӱҥалме. Койко чотым Медведево, Марий Турек, Звенигово эмлыме верлаште шагалемдыме. Шке паша радамышкыже Оршанкысе да Советскийысе рӱдӧ эмлыме вер- влак пӧртылаш ямдылалтыт. Кызыт стационарлаште 885 пациент эмлалтеш. Нунын кокла гыч 536 еҥже кислород полышым налеш. ИВЛ дене пайдаланыше-влакын чотышт 60-65 гыч 43 еҥ марте шагалемын. Но нелын черланыше- влак огыт шагалем. Привикым 305 тӱжем еҥ ыштыктен але палемдымын 71 процентше.