Вуйлатыше- влакын декабрьыште калык дене вашлийме графикышт

                Россий Президентын Марий Элысе приёмныйыштыже декабрьыште  калыклан вашлиймашым эртарыме график рашемын. Икымше декабрьыште 14 гыч 16 шагат марте айдемын праваже шотышто уполномоченный Фанис Мухаметгалиев приёмым эртара. Вес кечынже 14 гыч 15 шагат марте Республикысе медико-санитар экспертизын тӱҥ бюрожым вуйлатыше Галина Мозайло калыкым вуча. 8-ше декабрьыште 14 гыч 15 шагат марте пӱртӱсым аралыме шотышто район- влак кокласе прокурор Ильнур Нафиков деке мияш лиеш. 14-ше числаште 14 гыч 15 шагат марте Россий юстиций министерствын Марий Элысе виктемжым вуйлатыше Александр Батурин приёмыш вуча. 15-ше декабрьыште 15 гыч 16 шагат марте Федерал казначействын Марий Элысе виктемжым вуйлатыше Ангелина Астафьева деке приёмыш мияш лиеш. Чыла вашлиймашыжат Йошкар-Оласе Успенский урем, 38-ше пӧрт, 107-ше пӧлемыште эрта. Тушко мияшлан ончылгоч 45-38-46 номеран телефон дене возалташ кӱлеш. Пелен паспортым налман.