2023-шо ийыште олмыктышыш уремла шотышто аукционым кызытак эртарат

              «Качестван лӱдыкшыдымӧ корно» калыкле проект почеш 2023-шо ийыште корным олмыктымо пашалан аукционым ончылгоч эртараш палемдыме. Кызыт Прохоров уремын Бауман деч Ян Крастынь урем марте ужашыжым да Бауман уремын Анников деч 100-шӧ Г пӧртшӧ марте ужашым олмыкташ подряд организацийым ойырымо шотышто паша шукталтеш. Нине объектым 2023-шо ийыште олмыктышаш планыш пуртымо. Тушко мланде йымал коммуникацийын вынемыштым олмыктымаш, асфальт ӱмбалым кораҥдымаш, бордюрым вашталтымаш, у асфальтым шарымаш, разметкым ыштымаш пурат. Йошкар-Олана корно дене кылдалтше калыкле проектыште 2019-ше ий годсек участвоватла. Тиде жапыште ятыр пашам шуктымо да умбакыжат ышталтеш. Калыкле проект почеш олмыктымо корно ужаш- влакым калыкын темлымыжым да социал объект- влакын верланымыштым шотыш налын ойыралтеш.