Тунемше-шамычлан волгалтарыше брелокым кучыктымо

               Рӱдӧ олаштына кугыжаныш автоинспекцийын пашаеҥже- влак школышто тунемше-шамычлан машина тулым мӧҥгеш волгалтарыше 500 брелокым кучыктеныт. Тыгай пиаланже Сергей Радонежский лӱмеш православий гимназийыште тунемше- влак лийыныт. ГИБДД пашаеҥ да ик эн кугу провайдерын еҥже- влак «Волгалт!» акцийым эртареныт. Нуно йоча- влаклан теле жапыште корнышто шкем кучаш  кӱлеш нерген ойленыт, машина- влак коклаште модаш ок лий, Корно воктелсе курык гыч корно велыш мунчалташ ок лий манын умылтареныт. А тыгай брелокшо кызытсе кече кӱчык жапыште поснак кӱлешан.
                 Фото: "Марийская правда".