Почто пӧлка- влакымат уэмдат
Шушаш ийын «Единый Россий» партийын тӱҥалтышыже почеш «Россий Почтын» элысе 632 пӧлкажым уэмдаш тӱҥалыт. Нуным тӧрлаш кӱштымашым Элнан Президентше партийын погыныштыжо пуэн. Почтын ялласе пӧлкажым уэмдымаш да пуымо полышыжым кумдаҥдымаш- эллан кӱлешан проект. Молан манаш гын, тудо 30 миллион ялысе калыкым авалта. Чылаже 25 тӱжемат 160 пӧлкам уэмдыме лиеш, тушечын 632-шо- шушаш ийын. Кажне почто пӧлка деке партийын депутатше пеҥгыдемдалтеш да пашам жапыштыже сайын ыштымылан мутым куча. Почто- влак ешартыш полышым утларак пуаш тӱналыт. Кушто ФАП уке, тушто медицина изделийымат, рецепт деч посна колтымо эмымат- чылаже 23 тӱжем тӱрлым ужалаш тӱҥалыт.