Автомобиль корнылаште тений 16 кӱварым олмыктымо
Республикысе автомобиль корнылаште тений 16 кӱварым да вӱдым колтышо 195 пучым олмыктымо. Тиддеч посна чаракым ыштыше саварым, разметкым ыштыме, ныл тӱжемат 300 корно палыме вераҥдыме. Чыла сомылым «Качестван лӱдыкшыдымӧ корно» калыкле проект кышкарыште шуктымо. Транспорт да корно озанлык министерстве проблеман чыла корно ужашым авалташ тырша. Тудын палемдымыж почеш проектым шыҥдарыме кум ий жапыште корно паша планым эртарен шукталтеш. Мутлан, 2019-ше ийыште 22 меҥгылан, 2020-шо ийыште 30 меҥгылан, 2021-ше ийыште 129 меҥгылан план деч шукырак олмыктымо.