Йошкар-Ола администрацийыште страховой взносым, налогым, пашадарым тӱлымӧ дисциплине шотышто комиссийын заседанийже эртен
Йошкар-Ола администрацийыште страховой взносым, налогым, пашадарым тӱлымӧ дисциплиным пеҥгыдемдыме шотышто комиссийын заседанийже эртен. Тудын пашаштыже оласе прокуратурын, федерал налог службо ивктемын, пашавер рӱдерын, социал страхований фонд пӧлкан, ОМС фондын еҥышт лийыныт. Комиссийын 9 тылзаш пашажын лектышыже почеш, организаций- влакын налог ден взнос шотышто парымыштым кум миллион утла теҥгем пӧртылтымӧ. Ола администрацийын пашаеҥже- влак налог да полиций пашаеҥ- влак дене пырля закондымын ужалкалыше да пашаверым ончыктыдымо еҥ- влак шотышто 122 протоколым возеныт. Паша законодательствым пудыртымо, жапыштыже пашадарым тӱлыдымӧ, оформитлыде пашам ыштыме шотышто йодыш- влак дене шокшо линийыш йыҥгырташ лиеш. Паша инспекцийын номерже: 45-16-14.