Утларак ямде улмо режим 5-ше февраль марте шуйна

               Марий Элыште коронавирус инфекцийлан кӧра ондак пуртымо чарымаш- влакым 5-ше февраль марте шуйымо. Тидын нерген Указым Марий Элым вуйлатыше Александр Евстифеев пеҥгыдемден. Тымарте республикысе кучем утларак ямде улмо режимым икымше декабрь марте пуртен ыле. Указын у редакцийже дене келшышын, республикыште куар код системе умбакыжат кучылталтеш, тыгак калыкым чумырен тӱшка мероприятий- влакым эртараш ок лий, маске да перчаткым чиен коштман, социал кӱлешан сферыште да производство предприятийлаште тыршыше- влаклан обязательный вакцинаций аралалт кодеш. Марий Эл коронавирус дене черланыше- влакын чотышт дене Российысе субъект- влак коклаште 78-ше, Юл кундем округышто 14-ше верым айла. Кундемыштына чылаже 25 тӱжемат 679 еҥлан коронавирус диагнозым шындыме, 21 тӱжемат 113 еҥ эмлалт лектын, 744 еҥ ӱмыр лугыч лийын.