Йошкар-Ола гыч самырык рвезе Беларусьышто эртыше Тӱнямбал конкурсышто сеҥышыш лектын

             Йошкар-Ола гыч самырык рвезе Беларусьышто эртыше Тӱнямбал конкурсышто сеҥышыш лектын. Шымше номеран йоча сымыктыш школышто тунемше Илья Шавкунов сем да теорий дисциплине дене «Эврика» кокымшо Тӱнямбал конкурсышто икымше степенян лауреат лӱмым сеҥен налын. Жюри тудым «Калыкле семым палымаш» номинацийыште палемден. Таҥасымаш Белоруссийысе Кричев олаште эртен. Самырык музыкант шке «Марий мланде- сем тӱвыран кундемже» пашаштыже икымше марий профессионал композитор Иван Ключников-Палантайын усталык корныжо нерген каласкален. Материалым ямдылаш Илья Ключников- Палантайын тоштер- пӧртышкыжӧ миен, экскурсийым колыштын.
              Фото: МариМедиа.