Эше ик добровольчестве рӱдер почылтын

             Марий Элыште эше ик добровольчестве рӱдер почылтын. Тиде гана тудым Козьмодемьянск олаште торжественно почмо. Кызыт тушто вакцинаций рӱдер пашам ышта, волонтёр- влак медицина пашеҥ- влаклан полышым пуат. Рӱдӧ оласе самырык- влак полатыште палемдат: республикыште «Туныктыш» калыкле проект да «Регион добрых дел» Россий конкурс кышкарыште куд добровольческий рӱдер почылтеш. Нуно Волжск ден Козьмодемьянскыште, Звенигово ден Медведево, Морко ден Советский районлаште лийыт. Нине кундемлаште добровольчестве паша сайын воранен толеш. Рӱдер- влакым почаш федерал бюджет гыч кум миллион утла теҥге оксам ойырымо. Тиде окса дене ойырымо пӧлем- влакым олмыктымо, кӱлеш оборудованийым, мебельым, техникым налме.