«Пушкин карте» дене кинотеатрлашкат кошташ лиеш

              «Пушкин карте» дене кинотеатрлашкат кошташ лиеш. Тидым шушаш ийын февраль гыч ышташ лиеш. Тыгай темлымашым Российын Президентше Владимир Путин ыштен да ешарен: тидыже элысе кинематографлан сай полыш лиеш. Тӱҥалтышым премьер- министр Михаил Мишустинат сайлан шотлен. Картым налше еҥ- влак февраль гыч Россий тӱвыра министерствын да кино фондын полшымо дене войзымо шкенан элысе кином ончен кертыт. Шушаш ий гыч «Пушкин картын» участникше- влаклан вич тӱжем теҥгем пыштыме лиеш. Ынде тудым кином ончашат кучылташ лиеш.