Марий Йӱштӧ Кугызан илемыштыже «Мужаҥчын пӧртшым» чоҥат

                Марий Йӱштӧ Кугызан илемыштыже «Мужаҥчын пӧртшым» чоҥат. Шыже мучашлалтме марте ик кече веле кодеш. Вашке У ий дене кылдалтше тургыжланымаш тӱҥалеш. Кызыт Кукнур селаште Йӱштӧ Кугызан илемыштыже уна- влакым вашлияш ямдылалтмаш мучашыш лишемеш. Каныме верым тӱзландарат, «Мужаҥчын пӧртшым» чоҥат. Ончылгоч палемдыме почеш «Йӱштӧ Кугыза дене уна лиймаш» тургым икымше декабрь гыч тӱҥалшаш. А декабрь мучашыште республикыште «Йӱштӧ Кугыза деке унала» театр представленийын Республике кӱкшытан кокымшо фестиваль-конкурсшо эрта.