Йӱкшемда- каток почылтеш
Йошкар-Олаште Киров уремысе 9-ше пӧрт кудывечысе каток лишыл жапыште йӱкшемдымеке пашам ышташ тӱҥалшаш. Тушто ийым кылмыктыме да пу саваржым олмыктымо йодышым ола администрацийыште вашлиймаш деч вара виктарен колтымо. Ийым «Заречный» ЖЭУК кылмыкта, тудак лум деч эрыкташ тӱҥалеш. Тыгак верысе калык полшаш тӱҥалеш. Но эше катокым шокшо вӱд дене тӧремдыман. - Тиде йодышыжым эше ворандарыме огыл. Тиде мунчалтыме верым калык пеш йӧрата. Сандене нуно кучем лӱмеш хоккей капкам вераҥдаш йодмашым колтеныт. Тиддеч посна пайрем вашеш площадке покшелне У ий кожым вераҥдаш пунчалме. Ӱмаште тиде каток декабрьын кокымшо пелыштыже гына пашам ышташ тӱҥалын ыле.