Налогым тӱлымӧ жап мучашыш лишемеш

                Налогым тӱлышӧ- влак республикын экономикыжлан полышым пуат. Кызыт, икымше декабрь гыч, 2020-шо ийлан мландылан, погылан да транспортлан налогым тӱлымӧ жап мучашлалтеш. Марий Элыште учётышто 773 тӱжем физический лица шотлалтеш. Нунын кокла гыч 360 тӱжем нарыже мланде, пого да транспортлан налогым тӱлышо улыт.  2020-шо ийлан погылан налогым 935 миллион теҥгем палемдыме. Тушечын 461 миллионжым веле тӱлымӧ, але 49 процентшым. Федерал налог службо виктем ушештара: пурышо пого налог республикын бюджетлашкыже шеледалтеш. Тидыже регионын экономикыжым вияҥдаш полша. Тиде окса дене поликлинике, йоча сад чоҥалтеш, бюджет да социал сферылан, коммунал озанлыклан колталтеш, кудывечылам да уремым олмыкташ да волгалтараш, корным ачалаш кучылталтеш. Налогым жапыштыже тӱлыдымӧ- влаклан пеним шотлаш тӱҥалыт. Кӧ шижтарымашым налын огыл гын, кеч-могай налог органыш миен але «Личный кабинет гоч» документым савыктен налман.