Республикыштына «Педагогик дебют-2021» конкурсым увертарыме
Республикыштына «Педагогик дебют-2021» конкурсым увертарыме. Тудо Россий кӱкшытан конкурсыш ойырен налме йыжыҥ семын аклалтеш. Тудым эртараш Россий образований Профсоюзын Марий Элысе пӧлкаже ден самырык педагог- влакын республикысе советышт полшат. Тымарте регистраций эртен да заочный йыжыҥыш таҥасышашлык материал- влакым налме. Тений «Самырык туныктышо- влак», «Йоча садлан самырык воспитательышт», «Туныктышо- наставник» номинацийлаште 24 туныктышо кучедалеш. Шымше декабрьыште кажне номинацийыште сеҥышын лӱмжӧ пале лиеш. Нуно Россий кӱкшытан таҥасымашыште республикын чапшым аралаш тӱҥалыт.